ريهام عبد الغفور ترد على تنمر السوشيال ميديا على كبر ملامح سنها
المستقبل الاقتصادي
استضافت الاعلامية لميس الحديدي في برنامج " كلمة أخيرة " أبطال مسلسل " ظلم المصطبة " الذي عرض بموسم رمضان 2025 ، وهم اياد نصار وريهام عبد الغفور والمنتجة دينا كريم .
وتحدثت ريهام لأول مرة ل" كلمة أخيرة " ، عن ماحدث معها من تنمر رواد مواقع التواصل الاجتماعي على كبر ملامح سنها ووجهها وماشعرت به وقتها . فقالت ريهام عبد الغفور " أنها لا تعطي الشكل الخارجي أولوية في حياتها أو في تقييمها لذاتها، مضيفة عودت نفسي إن ماحدش هيتحب بالإجماع، وفكرة الشكل عمرها ما كانت أولوية عندي، عمري ما حسيت إن قيمتي كبني آدمة في شكلي".
وأضافت:"الكلام ده ما بيضايقنيش، إلا في مواقف معينة، مثلما كتبت مؤخرًا على تيك توك : 'بطلوا الكلام ده علشان ابني الصغير بيتأذي'". أما عن خضوعها لعمليات تجميلية، مثل حقن الفيلر والبوتوكس كشفت ، أنها جربت الأمر مرتين فقط ولكنها لم تكن سعيدة بالنتيجة: قائلة "جربت مرتين وفضلت قاعدة في البيت علشان محدش يشوفني، ماكنتش قادرة أبص لنفسي في المراية، وجالي إحساس بالخوف من إني مش هعرف أمثل تاني، انهرت نفسيًا". تابعت قائلة :"أنا راضية بشكلي زي ما هو، وخاصة اني مش بسعى لأدوار بنات صغيرين، دلوقتي بعمل دور أم لرنا رئيس وسلمى أبو ضيف".
وأكدت ريهام أيضا أنها اختارت أن تكون "ريهام الممثلة" لا "ريهام الجميلة"، وقالت:"اللعب في الشكل والعمليات ممكن يؤثروا على آدائي وأنا بمثل، وأنا مش عاوزة أضحي بالآداء علشان الشكل".
واختتمت حديثها بالتأكيد على أن مسألة التقدم في العمر مسألة طبيعية وحظوظ ثابتة:"الموضوع كله حظ، في ناس شعرهم بيشيب في العشرينات، وأنا التغيرات دي حصلتلي بدري، سواء بسبب الجينات أو الوراثة، ومفيش حاجة أقدر أعملها ومتقبلة ده جداً.
