كريم فهمي يكشف كيف يتعامل مع الأسئلة المستفزة في اللقاءات الاعلامية
المستقبل الاقتصادي
حل النجم كريم فهمي ببرنامج " كلام نواعم " عبر شاشة ام بي سي مصر ، وتحدث لأول مرة عن رد فعله حينما يوجه له سؤال مستفز له في احدى اللقاءات الاعلامية التي يظهر فيها .
فكشف كريم فهمي عن طريقة تعامله مع الأسئلة المستفزة التي قد تطرح عليه في أي لقاء قائلا "."رد الفعل بتاعي لازم يبقى محسوب مليون في المية، لأن أحنا قدام التليفزيون دي أول حاجة، ولازم بخبرتك في الحياة تبقى حاسب إزاي هترد لأن في ناس بتتفرج عليك وناس لازم تتعلم منك وناس بتاخدك قدوة حتى لو أنت مش عايز أن الناس تاخدك قدوة لازم تاخد بالك من ردودك".
أضاف كريم فهمي قائلا : "في أسئلة بتستفزني أكيد وبرفض أنها تتوجه ليا من الأول بس دا مش بيحصل كتير لأن مع الوقت الناس بتعرف شخصيتك أكتر ومش بيدخلوا في دا". وعن خوضه بطولة مسلسل 220 يوم الذي يعرض حاليا قال "المسلسل دا عملي كوابيس ولحد النهاردة بصحى من النوم في كوابيس رهيبة لأني قعدت سنتين أو أكتر شغال عليه تعبني نفسيا جامد من أول الكتابة لحد ما خلصنا تصوير".
مسلسل "220 يوم" بطولة كريم فهمي وصبا مبارك وحنان سليمان التي تقدم دور والدة كريم فهمي، وعايدة رياض في دور خالته، إلى جانب علي الطيب، لينا صوفيا، يوسف رفعت، وغيرهم من الوجوه الشابة. المسلسل تأليف محمود زهران، وسيناريو وحوار نادين نادر، وإخراج كريم العدل، وإنتاج شركة "صباح إخوان" وتكون من 15 حلقة. من ناحية أخرى فاز كريم فهمي بجائزة أفضل ممثل لعام 2025 في حفل دير جيست السنوي الذي يقام نهاية سبتمبر الجاري .
