كواليس الساعات الأخيرة قبل دخول هاني شاكر العناية المركزة
المستقبل الاقتصادي
كشف رجل الأعمال أحمد عيسى صديق الفنان هاني شاكر عن تفاصيل خاصة بالفنان قبل دخوله للعناية المركزة وتعرضه لانتكاسة صحية.
وقال أحمد عيسى خلال مداخلة هاتفية ببرنامج "الحكاية" مع الاعلامي عمرو أديب: "الانتكاسة اللي حصلتله كانت بعد ما بدأ يفوق ويبقى كويس وهي انتكاسة غير مبررة طبيا، قبل ما يدخل في الانتكاسة الأخيرة صلى الفجر وهو على السرير في وجود ممدوح جوز دينا الله يرحمها، وسبح وطلب منه كوباية ماية وبعدها حصلت الانتكاسة الأخيرة اللي دخل بيها للعناية المركزة".
وتابع متحدثا عن دور الأطباء المصريين ومؤكدا أنه لم يحدث أي خطأ: "حضرت اجتماع في باريس للأطباء المشرفين على حالة هاني شاكر، هذا الاجتماع لم يحضره زوجته السيدة نهلة ولا ابنه شريف، أستاذ الجراحة الفرنساوي قال إن اللي اتعمله في مصر إجراءات سليمة 100% ومفيش أي حاجة تانية كان ممكن تتعمل فيما يتعلق بالجراحة، هو اتعمله جراحة في مصر وكانت ناجحة، وهاني راح باريس لإعادة التأهيل".
واختتم كلامه: "أنا بشهد شهادة أمام الله بعدم الإساءة للمستشفى والأطباء وكل اللي نقدر نعمله أننا ندعيله ربنا يشفيه ربنا قادر على كل شيء".
