محمد امام : أحب تنفيذ مشاهد الأكشن في أعمالي بنفسي
المستقبل الاقتصادي
حل النجم محمد امام ببرنامج " عرب وود " وتحدث عن كواليس فيلمه السينمائي الجديد " صقر وكناريا " فقال : مشاهد الأكشن بيبقى متعب لأني بحب أعملها بأحسن جودة وخصوصا أننا بنتفرج على الأفلام الأمريكاني وهما وصلوا لدرجة أكشن مرعبة".
وأضاف محمد إمام: "عشان نقدم أكشن الواحد بيبذل أقصى جهد ليه لو اللقطة بتاعة الأكشن فيها مجهود ممكن ناخد فيها يوم كامل، وممكن مشهد الأكشن ناخد فيه تصوير 5 أيام ومعظم الحاجات بحب أعملها بنفسي، ودايما بقول الدولبلير بيجي يلبس ويفضل قاعد جنبي وكل الاحترام ليهم طبعا في حاجات بيبقى مصمم الأكشن عايز الدوبلير هو اللي يعملها وشايف أن فيها خطر ليا بس أنا بحب وعايز أعمل المشاهد بنفسي".
وينافس محمد إمام في موسم صيف 2026 بفيلم "صقر وكناريا" واحتفل اليومين الماضيين بالعرض الخاص له بحضور أبطاله شيكو ويارا السكري وانتصار والمخرج حسين المنباوي والمنتج وائل عبدالله وكوكبة من النجوم منهم هشام ماجد وأكرم حسني الذين حرصوا على تهنئة أبطال الفيلم .
الفيلم من تأليف أيمن وتار، وإخراج حسين المنباوي، وإنتاج لؤي عبد الله ووائل عبد الله، ويشارك في بطولته محمد إمام وشيكو إلى جانب يسرا اللوزي ويارا السكري، والنجمين خالد الصاوي وانتصار.
