وائل جسار : الفن اللي بيتقدم كارثة وماقبلش أغني الألوان لعمرو دياب

أعرب النجم اللبناني وائل جسار عن استياؤه من المستوى الذي تقدم به بعض الأغنيات الفترة الحالية ، مؤكدا أنه لايقصد فنانا بعينه لكنه يتحدث عن مستوى الفن المقدم حاليا للجمهور .

وأضاف جسار في مداخلة هاتفية ببرنامج 90 دقيقة الذي تقدمه بسمة وهبة فقال : "أنا حريص على الفن والكلمة الحلوة واللحن الجميل بتكلم من هذا المنطلق لأن إحنا وصلنا لمرحلة خطيرة جدا مش عارف إيه اللي هنخليه للجيل القادم، إحنا اتربينا على أغاني العمالقة واتسلطنا عليها من حيث الكلمات واللحن، كان في أغاني شعبية وسريعة بس كان ليها قيمة لكن حاليا في أغاني هابطة جدا".

وأستكمل وائل جسار فقال "أنا قلت كله هيهاجمني ويقول أن دماغي قديمة لكن لحرصي على الفن العربي واجب علينا كلنا كفنانين وشعراء وملحنين نحارب هذه الآفة اللي إحنا موجودين فيها، أنا قلت قبل كده مش غيرة من أي حد كل واحد وليه جمهوره، لكن غيرة على الفن، الأغاني بقت تعتمد على الترند وأن اسمنا يظهر أكتر".

وتابع جسار أنه لا يقصد أي شخص بكلامه وعن سؤال بسمة وهبة له إن كان يقصد النجم عمرو دياب بكلامه فقال: "عمرو دياب دا الهضبة وكل الوطن العربي بيقلده أنا مش بتكلم عنه، أنا مشفتش أغنية "لولا البنات" سمعت كذا أغنية منها "الألوان" بحبها هي بونبوناية بس بالنسبة ليا مقبلش إني أغنيها لأنها مش لوني، مشيرا الى أن الفنان لازم يكون متنوع اه لكن في حد أدنى وحد أقصى في فنانين معيين وصلوا للحد الأقصى للكلام الركيك واللحن".

وأضاف: "مش بقصد أي حد بكلامي ومفيش حد في دماغي أنا بتكلم بشكل عام، كل فنان مبيقدمش فن حلو أنا ضده، وربنا يوفق أي حد بيعمل الأغاني دي هما ليهم جمهور ويمكن بيحبوا الستايل دا، أنا مش بتكلم غير على الناس اللي بتغير من أعمالها وتعمل أغاني عشان شهر نبقى "ترند" .

لكن أنا بالنسبة ليا كوائل جسار بقدم فن حلو مش عارف إذا في عليا انتقاد أو لأ لكن بنظر كتير من الناس أنا بقدم فن أجيال قادمة ممكن تسمعه، لكن الحاجات اللي بنسمعها مؤخرا كارثة بشكل عام".

وطرح وائل جسار الأيام الماضية أغنية جديدة بعنوان لحظة ولاقت نسبة استماع جيدة .