هنفطر إيه النهاردة 14 رمضان؟.. طريقة عمل الكبد والقوانص بالبطاطس
الأربعاء 4 مارس 2026
كبد وقوانص بالبطاطس
كتب
نورهان عمرو
«هنفطر إيه النهاردة؟»، سؤال يتجدد صباح كل يوم خلال شهر رمضان الكريم في دماغ كل ست، ومع الكثير من الأطباق تصاب السيدات بالحيرة على وجبة الفطور.
ويقدم «مطبخ المستقبل الاقتصادي»، في رمضان 2026، خلال السطور القادمة طريقة عمل أشهر الأكلات في مصر والدول العربية أيضا، للتخفيف على كل ست في حيرة.
طريقة عمل كبد وقوانص بالبطاطس
كبد وقوانص بالبطاطس
المكوّنات
1/2 كيلو قوانص وكبده دجاج
2 حبة بطاطس مكعبات
1 بصله كبيره
3 فص توم مفروم
1 فلفل رومى احمر و1 فلفل اخضر وممكن حامى
3 ملعقه ماده دهنيه
ملعقه صغيره ملح
نص ملعقه صغيره فلفل اسود وبهار فراخ
طريقة تحضير الكبد والقوانص بالبطاطس
- يغسل الكبد والقوانص جيدا
- فى حلة صغيرة توضع على النهار بها ما مغلى وبصلة مبشورة ولورا وتسلق القوانص
- يقطع الفلفل الاخضر والاحمر مكعبات صغيره والكبد كذلك وفى طاسة او صنية توضع المادة الدهنية على النار وتضاف الكبده تاخد صدمة
- ويضاف البصل المقطع والتوم ويقلب جيدا
- ويضاف الفلفل ويقلب حتى تنضج الكبده
- ويقطع القوانص بعد النضج وتضاف للكبده
- وبعد ذلك تضاف مكعبات البطاطس للخليط السابق وتضاف التوابل تتشرب من الصوص الناتج من التسوية
